Во организација на МКСтартап и Импетус, четврток 19.09. 2019 од 17ч. се одржа настан за Општата регулатива за заштита на личните податоци, каде можевме да слушнеме повеќе за регулативата, која влијае на нас без разлика на местото на живеење .
Темите на кои се дискутираше беа:
Што е Општата регулатива за заштита на податоците ?
Кое влијание го има оваа регулатива врз вас и врз компаниите?
Кои лични податоци се заштитени под оваа регулатива ?
Дали го имаме право да побараме нашите податоци да бидат да бидат избришани од серверите на некоја компанија ?
Кои се последиците ако компаниите не ја почитуваат оваа регулатива ?

Creative Hub  го организираше првиот Балкански претприемачки самит кој  се одржа на 13 Септември ( петок ) 2019 год. во хотелот  Double Tree by Hilton во Скопје. Настанот го отвори Аријана Коскарова, Форбс под 30, основач на Creative Hub, при што свое учество во отворањето имаа и  Зоран Заев, Претседател на Влада,  Кочо Анѓушев, Заменик на Претседателот на Владата, претставник на  Стопанска Комора на Македонија и Н.Е. Сибил Сутер Техада, Амбасадор на Швајцарската Конфедерација.

ИАБ Македонија организираше панел дискусија на тема Перспективи на развојот на дигиталниот пазар во Македонија, која се одржа во четврток (05.09.2019), со почеток од 18:30 часот во хотел DoubleTree By Hilton. ИАБ Македонија е  асоцијацијата која ги обединува интернет порталите, агенциите и огласувачите од земјава.

Евротинк – Центар за европски стратегии, НВО Инфоцентар, Транспарентност Македонија и Хелсиншкиот комитет за човекови права, имаа презентација на третиот периодичен мониторинг извештај за работата на Агенцијата за аудио и аудиовизуелни медиумски услуги (АВМУ) и Агенцијата за електронски комуникации (АЕК), во рамки на проектот „Мониторинг на ефикасноста, ефективноста, транспарентноста и одговорноста на регулаторните тела за медиумите – PROformance Watch“. Презентацијата се одржа на 09 Јули (вторник) 2019, во хотел Холидеј Ин, во Скопје, Дневна Сала, со почеток во 11:00 часот.

На покана на Агенцијата за електронски комуникации, НЕКСТ-ЕМ дооел присуствуваше на Меѓународната конференција за сајбер безбедност, која се одржа од 5 до 6 Јуни 2019 год. во Хотел Метропол – Охрид. Втора година по ред, АЕК заедно со Националниот центар за одговор на компјутерски инциденти MKD-CIRT како дел од АЕК,  организира Меѓународна конференција за сајбер безбедност, со наслов “Тимови за одговор на компјутерски инциденти и Сајбер отпорност”.